Dat Jymnasium

Dat Jymnasium op dä Moltkeplatz hät en lange Tradituon.

Mer schrieev 1819 wie A.W.Scheuten en sin Testament jeschrieeven hät, dat mer en Krieewel möt et Lieehre an en hüejere Schol aanfange sollde.

Vandag es "Moltke" en modern städtisch Jymnasium für Mädsches on Jonges.
Tradituon on Innovatiuon häbben hee beds ühre Platz.

Dat Jymnasium op "Moltke" sorgt sech besongersch doedröm

  • dat die Mädsches on Jonges liere, wat se für´t Leäve bruuke.
  • dat die Mädsches on Jonges liere, selvs tu denke on ieejene Ideen och sägge.
  • dat die Mädsches on Jonges liere, Pösskes tu üeverneähme, och wenn et nix doefür jövvt.
  • dat die Mädsches on Jonges liere, angere tu helpe, wenn die en Nuot send.

Wä 9 Joehr möt Fließ on Iefer op "Moltke" woer, kritt en Zeugnis. Doedren stieeht, dat dä die Uni besöcken dörf.

Jedes Mädsche on jede Jong es angersch. Dröm helpe die Liehrer suo, wie dat für dat enkelne Mädsche on dän enkelne Jong nödig es. Et werd och möt die Eldere jesproeke on möt denne tusaame üeverleit, wat tu duon es, wenn et Probleme jövvt.

Die Hauptsaak äver es an "Moltke" dat Liere.

Mer kann op "Moltke" en janze Reeh freäm Sproeke liere.

van de 5. Klass avEnglisch off Latien
van de 7. Klass av jillt:

hät mer en de 5. Klass möt Englisch aanjefange, kann mer sech tösche Franzüesisch off Latien en Sproek uutsöcke,

hät mer äver en de 5. Klass möt Latien aanjefange, mot mer noo Englisch liere.

van de 9. Klass avkann mer noch Franzüesisch doebeeliere

 

En de letzte 3 Joehr (Oberstufe) könne sech die jruote Mädsches on Böersch uutsöcke, wat se jeär extra liere wolle. Tusaame möt die Ricarde-Huch-Schol en Krieewel werd vüel aanjeboene (Leistungs- und Grundkurse).

Für allerlee Sproeke, Sport, Kunst on Musik jövvt et extra Anjebote (Arbeitsgemeinschaften).

Doetu tällt

  • Spanisch en de 11. Klass
  • Volleyball, Basketball on Ieshockee
  • Senge em Chor on Musik maake em Orchester
  • Chemie en de 8. Klass on
  • Informatik für dä Medelbou (Mittelstufe).

Dän Ömjang möt Computer (Informatik) liere es für die Mädsches on Jonges op "Moltke" en jruote Changs für ´t laatere Leäve.

Mer kann Informatik wähle van de 9. Klass av on en de 11. Klass (Grundkurs).

En de 11. Klass kann mer 2 Weäke lang en Fabrike, Büroos, Krankehüüser on angere Betriebe et Wirke praktisch kenne liere (Beriebspraktikum). Och jövvt et Tipps, wenn mer noe de Scholtiet et Wirke liere will off an en Uni studiere möit.

Bee Tüerkes möt de janze Klass, Exkursiuone noe en Museum, Skifahre liere en de 10. Klass on Studienfahrten en de 3 letzde Joehr (Oberstufe) liere die Mädsches on Jonges net bluoß jett Nöies, se liere sech boebee och ongerieen beäter kenne als en de Schol. Och die Lieehrer zeije sech doebee döx van en anger Sie.

"Moltke" hät jooe Kontakt möt en Jymnasium en Krakau/Polen on en High School en Charlotte/USA.

 

Jruote helpe Klieene

Die jruote Mädsches on Jonges uut de letzde 3 Joehr (Oberstufe) helpe klindere, die Pösskes en ühr Klass üevernoehme häbbe, wenn et Probleme jövvt.

Die Jruote helpe och, wenn Mannschafte em Sport jeäjen en angere Schol spieele. "Moltke" hät al vüel Priese jehollt.

 

Moltke Forum

Alle 3 Monnt spreäke prominente Lü op "Moltke" üever Politik, Jeschichte, Wirtschaft off Medizin. Bee die Vürdräg send net bluoß Eldere on Lieehrer van de Schol enjelaade. Jede Krieewelsche kann komme on sech dat aanhüere.

 

Projekte

Eldere, Lieehrer, Mädsches on Jonges van "Motke" maake männig Engajement tusaame.

  • Minsche für Minsche
  • Dat Sammele für die Krieewelsche Tafel
  • Scholfeste weärde orjanisiert
  • Et jövvt Oevende möt Musik

An "Moltke" jövvt et och ene Förderverein. Dä jrippt die Schol möt Jeld onger de Ärme.

Op Krieewelsch opjeschrieeve van Kurt Hausmann

Themenbild
Gymnasium am Moltkeplatz
Moltkeplatz 12
47799 Krefeld
Tel.: (02151) 937110
Fax: (02151) 9371126
E-Mail: infoatmoltke [dot] de